کراچی میں شام پانچ بجے سے افطار تک ٹریفک رولز کی خلاف ورزی پر چالان نہیں ہوگا

ڈی آئی جی ٹریفک پولیس کراچی احمد نواز نے کہا ہے کہ شام پانچ بجے سے افطار تک کوئی افسر چالان نہیں کرے گا، ٹریفک کو رواں دوں رکھیں گےتاکہ شہری بآسانی روزہ اپنے گھروں میں افطار کرسکیں،اگر کوئی فیملی کےہمراہ ٹریفک قوانین کی خلف ورزی کرے تو اسکو چالان کے بجائے وارننگ دی جائے اور گائید کیا جائے۔

ڈپٹی انسپیکٹر جنرل ٹریفک پولیس کراچی احمد نواز نے سندھ بوائز اسکاؤٹس آڈیٹوریم میں خطاب کرتے ہوئے کہا کہ میں اپنی پالیسی گائیڈ لائن دی اور کہا ہے کہ ٹریفک فلو پر قابو پانا اولین ترجیحات میں شامل ہے، ٹریفک اہلکاروں کو عوام کے ساتھ اچھا رویہ اپنانا ہے۔

اجلاس میں ٹریفک کے ایس پیز، ڈی ایس پی سیکیورٹی، تمام سیکشن آفیسرز اور ریکارڈ کیپرز نے شرکت کی۔

انہوں نےکہا کہ ون وے کی وائلیشن پر فوکس کریں جس کی وجہ سے نہ صرف حادثات رہنما ہوتے ہیں بلکہ ٹریفک کی روانی میں خلل پیدا ہوتا ہے۔چالاننگ افسران صرف موونگ وائلیشن کے چالان کریں گے۔ٹرننگ کے پاس گاڑیوں، رکشوں اور موٹر سائیکلوں کی پارکنگ نہیں ہونے دیں گے، جس سے ٹریفک کا فلو متاثر ہوتا ہے۔چلاننگ آفیسر باڈی وارن کیمرے کے بغیر چالان نہیں کریں گے،افسران و اہلکار اکٹھے کھڑے نہیں ہوں گے۔ شاہراہ فیصل پر فاسٹ لین کی پابندی کو یقینی بنائیں، مزید موٹر سائیکل سواروں کو بائیں لین میں چلنے کی ہدایت دیں

انہوں نے کہا کہ ایکسٹرا سیٹر رکشوں کی جگہ جگہ پارکنگ ختم کروائیں ،،تمام سیکشن اپنے ایریے کے حساب سے لفٹنگ کی ٹائمنگ کے بورڈ آویزاں کریں گے،گاڑیوں کی لفٹنگ کا ایک مخصوص ٹائم مقرر کیا جائے، گاڑیاں صرف ڈبل پارکنگ یا ان لیگل پارکنگ کی صورت میں اٹھائی جائیں گی۔افسران و اہلکار اگر کسی کے ساتھ بدتمیزی یا جھگڑا کریں گے تو ان کے خلاف محکمانہ کاروائی عمل میں لائی جائے گی۔