حیدر آباد میں اس سال کا 16 واں پولیو کیس رپورٹ

حیدرآباد میں رواں سال کا 16واں پولیو کیس رپورٹ ہوا ہے – وزیراعظم کی فوکل پرسن برائے پولیو کا کہنا ہے کہ 29 ماہ کی بچی میں پولیو وائرس کی تصدیق ہو ئی، جب تک ہم اس وائرس کا خاتمہ نہیں کر لیتے تب تک ملک کا کوئی بچہ پولیو وائرس سے محفوظ نہیں ہے، پولیو وائرس کا کہیں بھی ہونا ہر بچے کے لیے خطرہ ہے۔

انسداد پولیو پروگرام کے مطابق 29 ماہ کی بچی میں پولیو وائرس کی تصدیق ہوئی ہے، وزیراعظم کی فوکل پرسن برائے پولیو عائشہ رضا فاروق کا کہنا ہے کہ جب تک ہم اس وائرس کا خاتمہ نہیں کر لیتے تب تک ملک کا کوئی بچہ پولیو وائرس سے محفوظ نہیں۔
عائشہ رضا فاروق نے کہا کہ حیدرآباد میں چار ماہ سے پولیو وائرس موجود ہے،پولیو وائرس کا کہیں بھی ہونا ہر بچے کے لیے خطرہ ہے،صوبوں کے ساتھ مشاورت جاری ہے،وائرس کے پھیلاؤ کو روکنے کے لیے جامع روڈ میپ پر عملدرآمد ہو رہا ہے۔ ستمبر میں انسداد پولیو مہم کا انعقاد ہوگا۔
کوآرڈینیٹر, نیشنل ایمریجسنی آپریشنز سینٹر انوارالحق کا کہنا ہے کہ پولیو کیس کی مکمل تحقیقات کی جا رہی ہیں،حیدرآباد اور کراچی کے اضلاع میں پولیو وائرس کئی ماہ سے موجود ہے،نو ستمبر سے انسداد پولیو مہم کا انعقاد کر رہے تاکہ بچوں کی قوت مدافعت میں اضافہ ہو۔