کراچی میں 2 سالہ بچی سمیت تین افراد ڈاکوؤں کے ہاتھوں قتل

کراچی میں ڈاکوؤں نے معصوم بچی سمیت تین شہریوں کی جان لے لی۔ کورنگی چار نمبر کے قریب ڈاکوؤں کی فائرنگ سے دو سالہ معصوم بچی جاں بحق ہوگئی۔

بنارس پل پر دو سگے بھائی ڈاکوئوں کا نشانہ بن گئے جن میں شدید زخمی ہونیوالا ایک بھائی جان کی بازی ہار گیا۔

اورنگی ٹاون میں ڈاکوؤں کی فائرنگ کی زد میں آکر سہراب نامی شہری جان سے گیا، ڈاکوئوں نے دو سالہ معصوم بچی کو بھی نا بخشا،چچا کے ہمراہ بائیک پر گھر واپس آنے والی دو سالہ حورین کو ڈاکووں نے گولی مار دی، بچی کے چچا کا کہنا ہے کہ بھائی نے نئی موٹر سائیکل خریدی تھی،ڈاکو بائیک چھیننے کے لیے پیچھا کرتے ہوئے گھر کی دہلیز تک آئے،مزاحمت پر فائرنگ کردی، فائرنگ سے بچی جاں بحق جبکہ بہن زخمی ہوئی۔

ادھر بنارس پل پر ڈاکوئوں نے موٹرسائیکل سوار دو سگے بھائیوں کو ڈکیتی مزاحمت پر گولی مار دی، پولیس کے مطابق ایک بھائی عبد المعیز  دوران علاج دم توڑ گیا جبکہ عبد المنان زخمی ہوا۔

دوسری جانب اورنگی ٹاؤن میں دکان پر واردات کرکے فرار ہونے والے ڈاکوؤں کی فائرنگ سے سہراب نامی شہری جاں بحق ہوگیا۔

شہر میں ڈکیتی مزاحمت پر مختلف علاقوں میں 7 شہری زخمی بھی ہوئے، رواں سال ایک ماہ 23 دن کے دوران  25 افراد ڈکیتی مزاحمت پر جاں بحق جبکہ 60 زخمی ہوچکے ہیں۔

اورنگی ٹاون ایک نمبر کے قریب شہریوں نے ایک مبینہ ڈاکو کو دھرلیا، مشتعل شہریوں کے تشدد سے ڈاکو ہلاک ہوگیا۔