پاکستان
آج شہباز شریف الیکشن اتحاد کے حوالے سے ایم کیو ایم کے ساتھ مذاکرات کریں گے
مسلم لیگ (ن) اور متحدہ قومی موومنٹ پاکستان (ایم کیو ایم) وفود کے درمیان عام انتخابات 2024 پر مذاکرات کے لیے آج کراچی میں ملاقات ہوگی۔
سابق وزیراعظم شہباز شریف کی قیادت میں مسلم لیگ ن کا وفد آج ایم کیوایم کے مرکز بہادرآباد آئے گا، وفد میں احسن اقبال، مریم اورنگزیب، ایاز صادق اور خواجہ سعد رفیق شامل ہیں۔
ن لیگ کا وفد کنوینئر ایم کیو ایم خالد مقبول صدیقی اور رابطہ کمیٹی اراکین سے ملاقات کرے گا جب کہ بیٹھک میں عام انتخابات کے حوالے سے سیاسی اتحاد پر حتمی مشاورت کی جائے گی۔
ملاقات میں ایم کیوایم، جی ڈی اے سے سیٹ ایڈجسٹمنٹ یا الیکشن اتحاد کا فیصلہ اور دونوں جانب کی قیادت مذاکراتی کمیٹی کی تجاویز پر مشاورت کرے گی۔
واضح رہے کہ ایم کیوایم پاکستان نے این اے 242 کی نشت پر سیٹ ایڈجسمینٹ سے صاف انکار کردیا جبکہ ن لیگی قیادت کی شہباز شریف کو کراچی سے جیتوانے کی بھرپور کوششیں جاری ہیں۔