توشہ خانہ ریفرنس، نیب ٹیم کی اڈیالہ جیل میں عمران خان اور بشریٰ بی بی سے ایک گھنٹہ تفتیش

بانی پی ٹی آئی عمران خان اور بشریٰ بی بی سے تفتیش کا چوتھا مرحلہ مکمل ہوگیا، نیب ٹیم واپس روانہ ہو گئی، ذرائع کے مطابق نیب ٹیم نے ملزمان سے تقریبا ایک گھنٹہ تک تفتیش کی۔

تفتیش میں ملزمان کو تحفہ میں ملنے بلگیری جیولری سیٹ سے متعلق سوالات کئے گئے، ڈپٹی ڈائریکٹر محسن ہارون کی سربراہی میں نیب تفتیشی ٹیم میں ڈپٹی ڈائریکٹر مستنصر عباس بھی شامل تھے۔
نیب ٹیم نے ملزمان سے آج چوتھی بار توشہ خانہ تحائف سے متعلق تفتیش کی، نیب نے ملزمان کا احتساب عدالت سے 8 روزہ جسمانی ریمانڈ حاصل کر رکھا ہے۔
ملزمان کو ریمانڈ مکمل ہونے پر 22 جولائی کو تفتیشی پیش رفت رپورٹ کیساتھ عدالت پیش کیا جائیگا۔