کراچی کے تعلیمی اداروں میں منشیات بیچنے والے دو کوکین ڈیلر گرفتار

کراچی کے تعلیمی اداروں میں منشیات سپلائی کرنے والے دو کوکین ڈیلر پکڑے گئے، محکمہ ایکسائز و انسداد منشیات نے شاہراہ فیصل پر کاروائی کرتے ہوئے شہر کے تعلیمی اداروں میں کوکین اور دیگر منشیات سپلائی کرنے والے دو مرکزی ملزمان حبیب اور قربان علی کو گرفتار کرلیا۔

صوبائی وزیر ایکسائز و انسداد منشیات شرجیل میمن کے مطابق ملزمان کے قبضے سے بیس لاکھ روپے مالیت کی کوکین اور جعلی نمبر پلیٹ لگی گاڑی بھی برآمد کی گئی ہے۔

ملزمان کی کافی دنوں سے ریکی کی جارہی تھی، ملزمان شہر کے مختلف تعلیمی اداروں اور پوش علاقوں میں منشیات سپلائی کرتے تھے، ملزمان کے خلاف مقدمہ درج کرکے تفتیش شروع کردی گئی ہے ۔