پی آئی اے سے استعمال میں نہ آنے والے دفاتر اور پراپرٹی واپس طلب

سول ایوی ایشن اتھارٹی نے پی آئی اے سے غیراستعمال شدہ پراپرٹیزاوردفاترواپس کرنے کا مطالبہ کردیا۔

سی اے اے حکام نے پی آئی اے انتظامیہ کو ملک بھرمیں غیر استعمال پراپرٹیز اور دفاتر فوری واپس کرنے کے لیے مراسلہ لکھ دیا،جس میں قومی ائیرلائن انتظامیہ کوغیراستعمال شدہ عمارتیں اورزمین فوری طورپرواپس کرنے کی ہدایت کی گئی ہے۔

سی اے اے حکام کے مطابق پی آئی اے کے پاس سی اے اے کی جتنی پراپرٹی استعمال میں نہیں ہے واپس کی جائے،اس عمل سے اس سے پی آئی اے کی ماہانہ کرائے کی مد میں اخراجات بھی کم ہونگے۔

 پی آئی اے کے جی ایم ورکس نے تمام شعبہ جات کو زیر استعمال نہ ہونے والی بلڈنگز اورزمینوں کی تفصیلات 15 دسمبر تک فراہم کرنے کی ہدایت کردی۔

ڈی جی سی اے اے پی آئی اے سے آفس دفاتراورپراپرٹی واپسی کے معاملے پر وزارت ہوابازی کو بھی آگاہ کردیا۔