امریکی فضائیہ کا ایف 35 دوران پرواز لاپتہ، عوام سے مدد کی اپیل

اسٹیلتھ صلاحیت کا حامل امریکی لڑاکا طیارہ پرواز کے دوران غائب ہو گیا ہے، لاپتہ ملٹی ملین ڈالر کے طیارے کو تلاش کرنے میں مدد کے لیے عوام سے ایک غیر معمولی اپیل کی گئی ہے۔

امریکا کی جنوب مشرقی ریاست کیرولینا میں ایف 35 طیارے کا پائلٹ طیارے سے کود گیا تھا۔ اسے ہسپتال پہنچایا گیا جہاں اس کی حالت خطرے سے باہر ہے۔پائلٹ کا نام جاری نہیں کیا گیا ہے۔

تاہم امریکی فوج کو ایک مہنگا مسئلہ درپیش ہے، اسے جیٹ نہیں مل سکا، جس کی وجہ سے جوائنٹ بیس چارلسٹن نے رہائشیوں سے مدد طلب کی ہے۔

جوائنٹ بیس چارلسٹن نے ایک سوشل میڈیا پوسٹ میں کہا کہ اگر آپ کے پاس کوئی ایسی معلومات ہے جس سے ہماری ٹیموں کو ایف 35 کا پتہ لگانے میں مدد مل سکتی ہے، تو براہ کرم بیس ڈیفنس آپریشن سینٹر کو کال کریں۔

بیس کے حکام نے کہا کہ وہ چارلسٹن شہر کے شمال میں دو جھیلوں کے ارد گرد وفاقی ہوا بازی کے ریگولیٹرز کے ساتھ مل کر تلاش کر رہے ہیں۔

علاقے میں موسم بہتر ہونے کے بعد جنوبی کیرولینا کے قانون نافذ کرنے والے ڈویژن کا ایک ہیلی کاپٹر بھی تلاش میں شامل ہو گیا۔

دوسرے ایف 35 کا پائلٹ بحفاظت جوائنٹ بیس چارلسٹن پر واپس آگیا۔

طیارے اور پائلٹ جنوبی کیرولینا کے بحر اوقیانوس کے ساحل سے زیادہ دور بیفورٹ میں واقع میرین فائٹر اٹیک ٹریننگ اسکواڈرن 501 کے ساتھ تھے۔

لاک ہیڈ مارٹن کے تیار کردہ طیاروں کی قیمت تقریباً 80 ملین ڈالر ہے۔