امریکی برطانوی افواج نے بحیرہ احمر میں یمنی حوثیوں کی جانب سے داغے گئے 21 ڈرونز اور میزائل مار گرائے

امریکی فوج کی سینٹرل کمانڈ نے کہا ہے کہ امریکی اور برطانیہ کی افواج نے منگل کو یمن کے حوثیوں کی طرف سے بین الاقوامی شپنگ لین کی جانب داغے گئے 21 ڈرونز اور میزائلوں کو جنوبی بحیرہ احمر میں مار گرایا۔

امریکی سینٹرل کمانڈ نے کہا کہ کسی قسم کے جانی یا مالی نقصان کی اطلاع نہیں ہے، انہوں نے مزید کہا کہ 19 نومبر سے بحیرہ احمر میں تجارتی جہاز رانی کے راستوں پر حوثیوں کا یہ 26 واں حملہ ہے۔

ایرانی حمایت یافتہ حوثی عسکریت پسندوں نے غزہ میں اسرائیل کی جنگ کے خلاف احتجاج میں بحیرہ احمر میں تجارتی جہازوں پر حملے تیز کر دیے ہیں۔ افریقہ کے گرد طویل سفر کرنے کے بجائے مختلف شپنگ لائنوں نے آپریشن معطل کر دیا ہے۔

حوثیوں نے اسرائیل کی جانب سے غزہ میں تنازعہ روکنے تک حملے جاری رکھنے کا عزم ظاہر کیا ہے اور خبردار کیا ہے کہ اگر خود ملیشیا گروپ کو نشانہ بنایا گیا تو وہ امریکی جنگی جہازوں پر حملہ کریں گے۔

امریکی سینٹرل کمانڈ نے کہا کہ امریکی اور برطانوی افواج نے 18 ڈرونز، دو اینٹی شپ کروز میزائل اور ایک اینٹی شپ بیلسٹک میزائل کو مار گرایا۔