عمران خان کے مقدمات میں فیصلے عدلیہ کا امتحان ہیں، بیرسٹر گوہر

چیئرمین پی ٹی آئی بیرسٹر گوہر خان کا کہنا ہے کہ عمران خان ایک ڈیڑھ مہینے کے اندر رہا ہو جائیں گے، عدلیہ کا ٹیسٹ ہے کہ وہ  عمران خان کے کیسز پر کیا فیصلے دیتی ہے۔

اڈیالہ جیل کے باہر میڈیا سے گفتگو کرتے ہوئے بیرسٹر گوہر کا مزید کہنا تھا کہ شیر افضل مروت کا کوئی ایشو نہیں انکو شوکاز نوٹس جاری کیا گیا تھا جس کا انہوں نے جواب دے دیا ہے۔ عمران خان سے ہر ملاقات پر آتے ہوئے ہماری گاڑیاں روکی جاتی ہیں۔ ان کی کوشش ہوتی ہے کہ ملاقاتیوں کی راہ میں جس قدر ہوسکیں رکاوٹیں کھڑی کی جائیں۔ عمران خان کی ایک کیس میں ضمانت ہوچکی ہے اب دو کیسز رہتے ہیں، ملک میں غیر یقینی صورتحال ہے، الیکشنز میں ہمارا مینڈیٹ چوری کیا گیا، مہنگائی بڑھ رہی ہے دہشت گردی بھی بڑھ رہی ہے، اللہ اس ملک پر اپنا رحم فرمائے۔