ویرات کوہلی انگلینڈ کے خلاف پہلے 2 ٹیسٹ میچز سے دستبردار

بورڈ آف کنٹرول فار کرکٹ ان انڈیا (بی سی سی آئی) نے پیر کو کہا کہ ہندوستانی بلے باز ویرات کوہلی نے ذاتی وجوہات کا حوالہ دیتے ہوئے انگلینڈ کے خلاف پہلے دو ٹیسٹ سے دستبرداری اختیار کرلی ہے۔

35 سالہ کوہلی نے 113 ٹیسٹ میچوں میں تقریباً 9000 رنز بنائے ہیں۔

بی سی سی آئی نے ایک بیان میں کہا، "ویرات نے کپتان روہت شرما، ٹیم مینجمنٹ اور سلیکٹرز سے بات کی ہے… کچھ ذاتی حالات ان کی موجودگی اور غیر منقسم توجہ کا مطالبہ کرتے ہیں،”۔

"بی سی سی آئی میڈیا اور شائقین سے درخواست کرتا ہے کہ اس دوران ویرات کوہلی کی رازداری کا احترام کریں اور ان کی ذاتی وجوہات کی نوعیت کے بارے میں قیاس آرائیوں سے گریز کریں۔”

ہندوستان اور انگلینڈ کے درمیان پانچ میچوں کی سیریز جمعرات سے حیدرآباد میں شروع ہو رہی ہے۔