ورجن اٹلانٹک نے پاکستان میں فضائی آپریشن بند کردیا، آخری پرواز لندن روانہ

بین الاقوامی ائیرلائن ورجن اٹلانٹک نے پاکستان سے فضائی آپریشن ختم کردیا، ورجن اٹلانٹک کی اسلام اباد انٹرنیشنل ائرپورٹ سے آخری پروازنے لندن ہیتھروکے لیے اڑان بھرلی۔

ترجمان سول ایوی ایشن اتھارٹی کے مطابق ورجن اٹلانٹک کی فلائٹ VS379، B789 نے اتوار ایک بجکر آٹھ منٹ پر اسلام آباد سے لندن ہیتھرو کے لیے اڑان بھری،ورجن اٹلانٹک نے دسمبر 2020 میں اسلام آباد ہوائی اڈے پر ہفتہ وار 7 پروازوں کے ساتھ اپنے آپریشنز کا آغاز کیا۔

ورجن اٹلانٹک نے ابتداء میں 4 مانچسٹر کے لیے اور 3 لندن ہیتھرو کے لیے فلائٹس چلائیں،بعدازاں ائیرلائن نے صرف لندن ہیتھرو کے لیے 3 ہفتہ وار پروازیں چلانا شروع کردیں۔

اس دوران ورجن اٹلانٹک نے اسلام آباد اور لندن کے درمیان صارفین کو بہترین فضائی سفری خدمات فراہم کیں،سی او او/ایئرپورٹ منیجر سید آفتاب گیلانی نے عالمی معیار کی فضائی سفری خدمات پیش کرنے پر ورجن اٹلانٹک ٹیم کا شکریہ ادا کیا،انھوں کہا امید کرتے ہیں کہ ورجن اٹلانٹک ایئر لائن مستقبل میں واپس پاکستان آئے گی۔