کراچی میں دھند سے آج حد نگاہ کم رہی، ہوا کی رفتار 14 کلومیٹر فی گھنٹہ ریکارڈ

کراچی میں صبح کے وقت دھند کے سبب حدنگاہ 6 کلومیٹر سے کم ہوکر 2 کلومیٹر ریکارڈ ہوئی۔

محکمہ موسمیات کراچی کے مطابق صبح کے وقت چھانے والی دھند کے سبب  حد نگاہ متاثر ہوئی،حد نگاہ 6 کلومیٹر سے کم ہوکر 2 کلومیٹر رہ گئی تھی۔

بلوچستان کی سمت سے چلنے والی ہواؤں کی رفتار 14 کلومیٹر فی گھنٹہ ریکارڈ ہورہی ہے،شہر میں صبح و رات کے اوقات میں خنکی برقرار ہے۔

آج شہر کے مختلف ویدر اسٹیشن پر متفرق درجہ حرارت ریکارڈ ہوئے،آج صبح شہر کے سرکاری ویدر اسٹیشن(ائیرپورٹ ٹرمینل ون) پر کم سے کم درجہ حرارت 14 ڈگری سینٹی گریڈ ریکارڈ ہوا۔

جناح انٹرنیشنل پر کم سے کم درجہ حرارت 12.1 ڈگری ریکارڈ ہوا،گلستان جوہر میں پارہ 14.5 جبکہ شاہراہ فیصل پر 15 ڈگری سینٹی گریڈ ریکارڈ ہوا،دیہی سندھ میں سب سے کم پارہ موہنجودڑو میں 5 ڈگری سینٹی گریڈ رہا۔