ووٹر اپنا حق استعمال کریں، اس الیکشن سے ہی اصل آزادی ملے گی، بیرسٹر علی ظفر

پی ٹی آئی رہنما بیرسٹر علی ظفر نے کہا ہے کہ عمران خان کا پیغام ہے کہ یہ الیکشن نہیں ہے جس میں آپ ایک سیاسی پارٹی کو کمپین نہیں کرنے دے رہے،ووٹرز سے درخواست ہے کہ بھرپور طریقے سے ووٹ کا حق استمال کریں، اس الیکشن سے ہی اصل آزادی ملے گی قانون کی حکمرانی ہو سکے گی۔

راولپنڈی میں اڈیالہ جیل کے باہر میڈیا ٹاک میں بیرسٹر علی ظفر کا کہنا تھا کہ بڑے سے بڑا شخص قانون کے تابع ہونا چاہئے کسی کے ساتھ زیادتی نہیں ہونا چاہئے۔

علی ظفر نے کہا کہ الیکشن کے بعد ایسا ملک بنے جہاں قانون کی پاسداری ہو۔اس الیکشن میں لوگوں نے اپنا حق واپس لینا ہے۔وکیل کی حیثیت سے ہمارے قانونی تقاضے عدالت کو پورے کرنا ہوں گے۔یہ بھی نہیں ہوسکتا کی تیزی سے کیس چلے اور انصاف نہ ہو سکے۔ضروری ہے کہ کیس کو چلانے کے لئے قانون کے تقاضے پورے ہوں چاہے کیس آٹھ فروری سے آگے جائے۔کیسز کا الیکشن سے تعلق نہیں ہے۔

علی ظفر نے کہا کہ امیدواروں اور ٹکٹس کے فیصلے ہو چکے ہیں۔اس الیکشن میں الٹا ہورہا ہے ہمارے امیدواروں کے پاس خود لوگ آرہے ہیں۔