وہاب ریاض نے انٹرنیشنل کرکٹ سے ریٹائرمنٹ کا اعلان کردیا

مشیر کھیل پنجاب وہاب ریاض نے انٹرنیشنل کرکٹ سے ریٹائرمنٹ کا اعلان کر دیا، وہاب ریاض  کا کہنا ہے کہ لیگ کرکٹ کھیلنا جاری رکھیں گے۔

وہاب ریاض نے اس حوالے سے سوشل میڈیا پر پیغام میں لکھا کہ میں نے انٹرنیشنل کرکٹ سے ریٹائرمنٹ لینے کا فیصلہ کیا ہے، پاکستان کرکٹ بورڈ، کوچز اور اپنے اہلخانہ کا شکریہ ادا کرتا ہوں۔

🏏 Stepping off the international pitch

🌟 After an incredible journey, I’ve decided to retire from international cricket. Big thank you to PCB, my family, coaches, mentors, teammates, fans, and everyone who supported me. 🙏

Exciting times ahead in the world of franchise…

— Wahab Riaz (@WahabViki) August 16, 2023

وہاب ریاض نے لکھا کہ مینٹورز، ساتھیوں، مداحوں اور ہر کسی کا جس نے مجھے سپورٹ کیا، ان کا شکریہ ادا کرتا ہوں۔

وہاب ریاض نے 2020ء میں پاکستان کی آخری مرتبہ نیوزی لینڈ کے خلاف نمائندگی کی۔وہاب ریاض نے 2011, 2015 اور 2019 والے آئی سی سی ورلڈکپ میں پاکستان کی نمائندگی کی۔

فاسٹ بولر نے 27 ٹیسٹ، 91 ون ڈے اور 36 ٹی ٹوئنٹی میچوں میں پاکستان کی نمائندگی کی،وہاں ریاض نے 83 ٹیسٹ، 120 ون ڈے اور 34 ٹی ٹوئنٹی وکٹیں حاصل کیں

وہاب ریاض نے 2008ء میں پاکستان کی جانب سے پہلا انٹر نیشنل میچ کھیلا۔