مری برفباری کے نظارے کے لیے جانا ہے؟ پہلے ضروری ہدایات جان لیں

راولپنڈی سی ٹی او  آفس نے مری میں برف باری کا نظارہ دیکھنے آنے والے سیاحوں کے لیے خصوصی ایڈوائزری جاری کر دی مری کی موجودہ صورتحال و برف باری کے پیش نظر سیاح اچھی اور مکمل فٹ گاڑی کا انتخاب کریں۔

راولپنڈی سی ٹی او  آفس نے مری میں برف باری کا نظارہ دیکھنے آنے والے سیاحوں کے لیے خصوصی ایڈوائزری جاری کی ہے۔

ٹریفک پولیس کا کہنا ہے کہ مری کی موجودہ صورتحال و برف باری کے پیش نظر سیاح اچھی اور مکمل فٹ گاڑی کا انتخاب کریں،مری میں صرف لائسنس ہولڈر ڈائیور کوداخلے کی اجازت دی جائے گی۔

سیاح گاڑی میں اینٹی کولنگ لیکوئڈ کا استعمال کریں برفباری کے دوران گاڑی کے ٹائروں پر چین کا استعمال کریں اوراپنے ساتھ اضافی گرم کپڑے لائیں۔

دوران ڈرائیونگ گاڑی کے شیشے مکمل بند نہ رکھیں اس سے کاربن مونو آکسائیڈ پیدا ہوتی ہے جو کہ جان لیوا ثابت ہو سکتی ہے۔

سیاح غلط پارکنگ سے اجتناب کریں،مری میں محدود پارکنگ کی گنجائش ہےاسلام آباد ضلع انتظامیہ کے مطابق ایک مخصوص تعداد میں گاڑیاں کو 17میل سے مری جانے کی اجازت ہو گی۔

مقررہ کردہ تعداد سے زائد گاڑیاں کو مری میں داخلے کی اجازت نہیں ہو گی۔