مودی کرپشن کے خلاف بولتے ہیں تو لگتا ہے اسامہ بن دلان عدم تشدد کی بات کر رہا ہے، اپوزیشن رہنما

AAP لیڈر سنجے سنگھ نے اتوار کو رانچی میں اپوزیشن انڈیا بلاک کی ریلی سے خطاب کرتے ہوئے وزیر اعظم نریندر مودی اور حکمراں بی جے پی پر سخت زبانی حضلے کیے۔

رانچی میں ریلی سے خطاب کرتے ہوئے سنجے سنگھ نے کہا، "نریندر مودی کرپشن کے خلاف بولتے ہیں، انہوں نے ہیمنت سورین اور اروند کیجریوال کو جھوٹے الزامات کے تحت جیل میں ڈال دیا، جب وہ بدعنوانی کے خلاف بولتے ہیں تو ایسا لگتا ہے جیسے اسامہ بن لادن اور گبر سنگھ عدم تشدد کی تبلیغ کر رہے ہیں۔

ہیمنت سورین کو انفورسمنٹ ڈائریکٹوریٹ نے 31 جنوری کو چیف منسٹر کے عہدے سے استعفیٰ دینے کے فوراً بعد ایک مبینہ لینڈ فراڈ سے منسلک منی لانڈرنگ کیس کے سلسلے میں گرفتار کیا تھا۔اروند کیجریوال کو بھی تفتیشی ایجنسی نے مارچ میں دہلی شراب پالیسی کیس کے سلسلے میں گرفتار کیا تھا۔ وہ اس وقت دہلی کی تہاڑ جیل میں بند ہیں۔

سنجے سنگھ، جنہیں اسی کیس کے سلسلے میں گرفتار بھی کیا گیا تھا، اروند کیجریوال کو وہاں بھیجے جانے کے چند دن بعد تہاڑ جیل سے ضمانت پر رہا کر دیا گیا تھا۔ ریلی سے خطاب کرتے ہوئے،سنجے سنگھ نے الزام لگایا کہ بی جے پی میں شامل ہونے کے بعد اپوزیشن لیڈروں کے خلاف مقدمات خارج کردیئے گئے ہیں۔

سنجے سنگھ نے کہا، "2014 کے بعد، مودی کا واشنگ پاؤڈر آیا ہے جو آپ کی تمام بدعنوانیوں کو صاف کرتا ہے۔انہوں نے کہا کہ کئی لیڈر جن پر بدعنوانی کا الزام تھا وہ بی جے پی میں شامل ہوئے یا این ڈی اے کا حصہ بن گئے۔

"بی جے پی کا نعرہ ہے کہ آپ جتنے زیادہ بدعنوان ہوں گے، آپ کا عہدہ اتنا ہی اونچا ہوگا،” سنجے سنگھ نے کہا۔

رانچی میں ہونے والی ریلی میں 28 سیاسی جماعتوں کے لیڈروں نے شرکت کی۔ اروند کیجریوال اور ہیمنت سورین کی بیویاں سنیتا کیجریوال اور کلپنا سورین بھی اسٹیج پر آئیں۔دو خالی کرسیاں – ایک ایک اروند کیجریوال اور ہیمنت سورین کے لیے – ریلی میں اسٹیج پر رکھی گئی تھیں۔