پی ٹی آئی کے سوشل میڈیا سے ریاست مخالف پوسٹ کس نے کی؟ عابد شیر علی

مسلم لیگ ن کے سینئر رہنما عابد شیر علی نے کہا ہے کہ سکیورٹی اداروں کیخلاف منظم انداز میں مہم چلائی جارہی ہے،پی ٹی آئی کی سوشل میڈیا ٹیم اداروں، ججوں اور شخصیات کو نشانہ بناتے ہیں، بانی پی ٹی آئی کو جیل میں ہر سہولت میسر ہے، اگر خوش نہیں تو اٹک جیل منتقل کردیا جائے۔

اسلام آباد میں نیوز کانفرنس میں عابد شیر علی نے کہاکہ نواز شریف کو اٹک جیل کے ایک چھوٹے سے سیل میں رکھا گیا تھا، 9 مئی کے سانحہ کے پیچھے بھی یہی سازشی عناصر ہیں،نواز شریف کو بیٹے سے تنخواہ نہ لینے پر نااہل کیا گیا،ٹیریان کیس سب کے سامنے ہے،ٹیریان کے کیس پر کیلفورنیا کی عدالت نے فیصلہ دیا۔

عابد شیر علی نے کہا کہ سابق امریکی صدر ٹرمپ کو سزا ہوئی لیکن امریکا میں کوئی گملہ تک نہیں ٹوٹا،سوشل میڈیا سے ملک کے خلاف منفی مہم جاری ہے،بانی پی ٹی آئی کے سوشل میڈیا اکاؤنٹ سے ملک کے خلاف پوسٹ کیسے ہوئی ؟بانی پی ٹی آئی کے ذاتی سوشل میڈیا اکاؤنٹ سے کس نے پوسٹ کی ؟

عابد شیر علی نے کہا کہ کیسے ہنڈلر کسی کے ذاتی میڈیا اکاؤنٹ سے پوسٹ کرسکتا ہے؟