امریکی سفارتخانے کا عملہ اڈیالہ جیل کیوں گیا؟

اسلام اباد میں امریکی سفارت خانہ کے عملے نے سینٹرل جیل اڈیالہ کا دورہ کیا۔

سابق سفارتکار کی بیٹی نور مقدم کے قتل کیس میں سزا کاٹنے والے مجرم ظاہر جعفر سے ملاقات کروائی گئی۔

اڈیالہ جیل آنے والے امریکی سفارت خانہ کے وفد کو مجرم ظاہر جعفر تک قونصلر رسائی دی گئی۔

امریکی سفارتخانہ کے 3 رکنی وفد کی مجرم ظاہر جعفر سے ڈپٹی سپریٹنڈنٹ کے دفتر میں ملاقات کروائی گئی۔

امریکی سفارتخانہ کے وفد میں مائیکل مرفی، اسامہ حنیف اور نوید غازی شامل تھے، وفد نے مجرم ظاہر جعفر سے مختلف سوالات کیے۔

ملاقات ختم ہونے پر امریکی سفارتخانہ کا وفد اڈیالہ جیل سے واپس اسلام آباد روانہ ہو گیا۔

واضح رہے کہ مجرم ظاہر جعفر سابق سفارتکار کی بیٹی نور مقدم کے قتل کیس میں عدالتی سزا کے بعد اڈیالہ جیل میں قید ہے۔