گریٹ پاورز کے مقابلے میں کسی کیمپ کا حصہ نہیں بنیں گے، مغرب چین کو قابو کرنے کے ’ جنون‘ میں مبتلا ہے، وزیراعظم

نگراں وزیر اعظم انوار الحق کاکڑ نے کہا ہے کہ پاکستان گریٹ پاورز  کے مقابلے میں کسی ایک کا انتخاب کیے بغیر اپنے مفادات پر توجہ دے رہا ہے اور مغرب چین کو قابو کرنے کی کوششوں سے ’’زیادہ جنون‘‘ میں مبتلا ہے۔

اقوام متحدہ کی جنرل اسمبلی کے 78ویں اجلاس میں شرکت کے لیے نیویارک کے دورے کے دوران وزیرِ اعظم نےواشنگٹن پوسٹ کو انٹرویو دیا۔

انوارالحق کاکڑ نے کہا کہ پاکستان یوکرین کے ساتھ روس کی جنگ پر "غیرجانبدار” رہنے کا ارادہ رکھتا ہے اور چین کو اپنا سب ہر موسم کا دوسر اور سٹرٹیجک پارٹنرسمجھتا ہے۔

وزیراعظم نے سابق سوویت یونین اور امریکا کے درمیان کشمکش کا حوالہ دیتے ہوئے کہا کہ یہ سرد جنگ نہیں ہے۔ یہاں کوئی لوہے کا پردہ نہیں ہے۔ یہ اتنا مبہم نہیں ہے۔ ہر کوئی دیکھ رہا ہے کہ کیا ہو رہا ہے۔مغرب  میں چین پر قابو پانے کی کوششوں سے "زیادہ جنون” ہے۔

انہوں نے کہا کہ پاکستان ایک ایسا راستہ ترتیب دے رہا ہے جو مغرب اور روس اور چین کے درمیان مقابلے میں پھنسنے سے بچنے کے لیے بنایا گیا ہے۔

کاکڑ نے کہا کہ پاکستان کا امریکہ اور چین کی بڑھتی ہوئی دشمنی میں کسی بھی کیمپ میں شامل ہونے کا کوئی ارادہ نہیں ہے۔

کاکڑ نے کہا کہ سوویت یونین کے خلاف مغرب کا ساتھ دے کر اور 9/11 کے بعد دوبارہ، پاکستان نے بڑی قیمت ادا کی۔گزشتہ 30 سالوں میں پاکستان کے ساتھ مغرب نے غیر منصفانہ سلوک کیا ہے

وزیراعظم  کاکڑ نے ریمارکس دیے کہ "ہر قوم اپنے لیے۔ ہمیں اس مقابلے سے کیوں پریشان ہونا چاہیے۔ یہ دو عظیم طاقتوں، دو عظیم تہذیبوں، درمیان ہے اور اس کے اثرات 150 سے زائد ممالک پر ہوں گے، اور پاکستان ان میں سے ایک ہے

یوکرین کے بارے میں پاکستان کے "غیر جانبدار” مؤقف کا ذکر کرتے ہوئے، وزیر اعظم نے کہا: "یہ بحران چیلنجز پیدا کر رہا ہے اور ساتھ ہی ساتھ یہ خطے میں مواقع بھی پیدا کر رہا ہے، اور ہم اسے دونوں طریقوں سے دیکھ رہے ہیں۔”

وزیر اعظم کاکڑ نے پاکستان کی جانب سے یوکرین میں جنگی سازوسامان منتقل کرنے کے حوالے سے میڈیا رپورٹ میں لگائے گئے الزامات کی تردید کرتے ہوئے کہا کہ "ہم کسی ایسی فروخت کے لیے نہیں گئے جس کا مقصد براہ راست یوکرین کے لیے تھا، نہ ہی کسی قسم کا لین دین، حتیٰ کہ کسی تیسرے فریق کے ذریعے بھی”۔

تحریک انصاف کے کارکنوں کی گرفتاری کے حوالے سے وزیراعظم نے مبینہ زیادتیوں کی تردید کی اور پاکستان کے اقدامات کا موازنہ 6 جنوری 2021 کو امریکی کیپیٹل پر حملہ کرنے والوں کی امریکہ میں گرفتاریوں سے کیا۔

انہوں نے کہا، گرفتاریاں غیر قانونی کاموں کے لیے کی جا رہی ہیں، کوئی ایسا شخص جو آتش زنی یا توڑ پھوڑ میں ملوث ہو،یہ اس قسم کا طرز عمل نہیں ہے جس کو کوئی لبرل جمہوریت فروغ دیتی ہے یا اس کی تائید کرتی ہے۔ تو پھر پاکستان سے یہ توقع کیوں کی جا رہی ہے کہ ہم ایسے رویے کو معاف کریں؟