تازہ ترین
احتجاج کو پورے ملک میں پھیلائیں گے، حافظ نعیم الرحمان، بدھ سے گورنر ہاؤس کراچی کے سامنے دھرنے کا اعلان
امیر جماعت اسلامی پاکستان حافظ نعیم الرحمن نے کہا ہے کہ اپنے مطالبات سے کسی صورت پیچھے نہیں ہٹیں گے۔ سندھ میں بدھ سے گورنر ہاوس کے سامنے دھرنا دینگے، احتجاج ملک گیر سطح پر بڑھائیں گے۔ مطالبہ کرتے ہیں آئی پی پیز کا فرانزک آڈٹ کیا جائے۔پنجاب حکومت فسطائیت کا کردار ادا کررہی ہے، لیپ ٹاپ اور آٹے کے تھیلے تقسیم کرکے تصاویر بنوانے کا دھندہ اب نہیں چلے گا۔ ہم پرامن تحریک چلا رہے ہیں چاہتے تو ڈی چوک جاسکتے تھے۔
جماعت اسلامی دھرنا کے مقام پر خواتین کے جلسہ سے خطاب کرتے ہوئے حافظ نعیم الرحمن کا مزید کہنا تھا کہ خواتین کو رکاوٹیں توڑ کر پہنچنے پر خراج تحسین پیش کرتا ہوں، حکومت ایک جانب مذاکرات کی بات جبکہ دوسری طرف لاہور میں ہماری ہزاروں خواتین کو روکا گیا، امید ہو گئی ہے کہ یہ تحریک اب کامیاب ہو گی کوئی روک نہیں سکتا، آٹا بجلی گیس سب مہنگا کیا جارہا ہے، پنجاب حکومت نے پہلے سبسڈی کی بات کی پھر کسانوں کو دھوکہ دیا، پی پی پی کے بڑے وڈیرے بتائیں کیا خواتین کو حق دیتے ہیں، بلاول نے لاکھوں کے جوتے پہن کر ننگے پاوں غریب بچوں کے ساتھ ایک تصویر بنوائی۔
امیر جماعت اسلامی نے کہا کہ آج ملک میں تیس سے چالیس فیصد لوگ ایسے ہیں جن کے بجلی بل تنخواہ سے زیادہ آرہے ہیں۔بہت سی خواتین نے اپنا زیور بیچ کر بل ادا کیا آگے کیا ہوگا، صورتحال یہ ہے کہ 80 فیصد لوگ ملک سے باہر جانا چاہتے ہیں، ہمارے بچے بچیوں کو منشیات کا عادی بنایا جا رہا ہے، پولیس کا نظام ایسا ہے کہ یہ لوگ بھتہ اکٹھا کرکے آگے پہنچاتے ہیں، اگر ہم نے قیادت نہ کی تو ملک میں انارکی پیدا ہو جاِئے گی، ہم نے ایک دھرنے کو چار دھرنوں میں تبدیل کرکے تدبر کا مظاہرہ کیا۔
حافظ نعیم نے کہا کہ ماضی میں بھی آئی پی پیز سے معاہدوں پر بات ہوئی، خود حکومت کے آئی پی پیز میں پچاس فیصد سے زیادہ شئیر ہیں، واضح کر رہے ہیں کہ جس آئی پی پیز کو بند کرنا ہے بند کرو جس سے معاہدے پر نظر ثانی کرنا ہے کرو ہمیں عوام کو ہرصورت ریلیف دلوانا ہے، ہم تمہاری عیاشیوں کے مزید خرچے برداشت نہیں کرسکتے، دنیا اوپن ہو گئی ہے ان کے پاس کوئی ویژن نہیں۔
انہوں نے کہا کہ جماعت اسلامی ٹیکس نہیں عطیات وصول کرتی ہے، ریاست جب ٹیکس لیتی ہے تو تعلیم فراہم کرنا ریاست کی ذمہ داری ہے یہ کوئی نہ سمجھے کہ یہ سیاست ہو رہی ہے، زمین میں بادشاہت صرف اللہ کی ہے جو اسکو نہیں مانے گا وہ طاغوت ہے،کوئی بڑا نہیں امریکہ بڑا نہیں صرف اور صرف اللہ بڑا ہے۔ہم نے اس نظام کو ختم کرنا ہے جس نے ہمیں پیس کر رکھا ہے، ہم قانون بنائیں گے جو خواتین کو حق نہیں دے گا وہ جیل جائے گا۔
-
کھیل12 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین5 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
پاکستان5 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
ٹاپ سٹوریز5 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
پاکستان6 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی