نیٹو اخراجات میں حصہ نہ ڈالنے والے ملک کا دفاع نہیں کروں گا بلکہ روس کے حملے کی حوصلہ افزائی کروں گا، ٹرمپ

سابق صدر ڈونلڈ ٹرمپ نے ہفتے کے روز کہا کہ وہ روس کی حوصلہ افزائی کریں گے کہ وہ نیٹو کے کسی بھی رکن ملک کے ساتھ “جو چاہے کرے”۔

ٹرمپ نے یہ بات ان نیٹو ملکوں کے لیے کہی جو دفاعی اخراجات میں برابر کا حصہ نہیں ڈالتے، اور ٹرمپ کا یہ بیان اس بات کا اعتراف ہے کہ وہ صدر بن گئے تو اجتماعی دفاع کی شق کی پابندی نہیں کریں گے۔

ساؤتھ کیرولینا میں ایک ریلی میں ٹرمپ نے کہا کہجب وہ صدر تھے تو انہوں نے کہا کہ ہر نیٹو ملک اخراجات میں حصہ ڈالے انہوں نے کہا، ‘ٹھیک ہے،لیکن اگر ہم ادائیگی نہیں کرتے ہیں، تو کیا آپ تب بھی ہماری حفاظت کریں گے؟’ میں نے کہا، ‘بالکل نہیں۔’ انہیں میرے جواب پر یقین نہیں آیا۔

ٹرمپ نے کہا کہ “ایک بڑے ملک کے صدور میں سے ایک” نے ایک موقع پر ان سے پوچھا کہ کیا ان کا ملک اگر ادائیگی نہیں کرتا تو امریکہ تب بھی ان کے ملک کا دفاع کرے گا اگر روس نے حملہ کیا؟

ٹرمپ نے کہا کہ انہوں نے اس صدر کو بتقایا کہ نہیں میں آپ کی حفاظت نہیں کروں گا بلکہ میں ان کی ( روس) حوصلہ افزائی کروں گا کہ وہ جو چاہیں وہ کریں۔ آپ کو ادائیگی کرنی ہوگی۔ آپ کو اپنے بل ادا کرنے ہوں گے۔

صدر جو بائیڈن نے اتوار کو کہا کہ ٹرمپ “یہ واضح کر رہے ہیں کہ وہ ہمارے نیٹو اتحادیوں کو چھوڑ دیں گے” اور ٹرمپ کے تبصروں کے ممکنہ نتائج کا خاکہ پیش کیا۔

بائیڈن نے کہا، “ٹرمپ کا یہ اعتراف کہ وہ پوٹن کو مزید جنگ اور تشدد کے لیے گرین لائٹ دینا، آزاد یوکرین کے خلاف اپنے وحشیانہ حملے کو جاری رکھنے، اور پولینڈ اور بالٹک ریاستوں کے لوگوں پر جارحیت کو بڑھانے کا ارادہ رکھتے ہیں، خوفناک اور خطرناک ہیں۔”ْ

دریں اثنا، نیٹو کے سیکرٹری جنرل ینز اسٹولٹن برگ نے اتوار کو کہا کہ اتحاد کے بارے میں ٹرمپ کے تبصروں نے یورپی اور امریکی فوجیوں کو خطرے میں ڈال دیا ہے۔

اسٹولٹن برگ نے ایک بیان میں کہا کہ نیٹو پر کسی بھی حملے کا متحد اور بھرپور جواب دیا جائے گا۔ “کوئی بھی تجویز کہ اتحادی ایک دوسرے کا دفاع نہیں کریں گے، امریکہ سمیت ہم تمام کی سلامتی کو نقصان پہنچاتا ہے، اور امریکی اور یورپی فوجیوں کو بڑھتے ہوئے خطرے میں ڈال دیتا ہے۔”

یورپی کونسل کے صدر چارلس مشیل نے اتوار کے روز نیٹو پر ٹرمپ کے تبصروں کو “لاپرواہی” قرار دیتے ہوئے مزید کہا کہ وہ “صرف پوتن کے مفاد کو پورا کرتے ہیں۔”

نارتھ اٹلانٹک ٹریٹی آرگنائزیشن کے مرکز میں اور معاہدے کے آرٹیکل 5 میں اجتماعی دفاع کا وعدہ شامل ہے – کہ ایک رکن ملک پر حملہ اتحاد میں شامل تمام اقوام پر حملہ ہے۔ ٹرمپ طویل عرصے سے نیٹو کے دیگر ممالک کے دفاع پر امریکہ کے مقابلے میں خرچ ہونے والی رقم کے بارے میں شکایت کرتے رہے ہیں اور بارہا امریکہ کو نیٹو سے نکالنے کی دھمکی دے چکے ہیں۔ لیکن ہفتے کے روز ان کے تبصرے اس کا سب سے براہ راست اشارہ ہیں کہ اگر وہ دوبارہ منتخب ہو جاتے ہیں تو وہ نیٹو اتحادیوں کو روسی حملے سے بچانے کا ارادہ نہیں رکھتے۔

نیٹو کا ایک ہدف ہے کہ ہر رکن ملک دفاع پر مجموعی ملکی پیداوار کا کم از کم 2% خرچ کرے، اور زیادہ تر ممالک اس ہدف کو پورا نہیں کر رہے۔

ریپبلکن سینیٹر مارکو روبیو، جنہوں نے ٹرمپ کی حمایت کی ہے، اتوار کو کہا کہ انہیں سابق صدر کے نیٹو کے تبصروں پر “صفر تشویش” نہیں ہے۔

روبیو نے سی این این کو بتایا کہ ٹرمپ محض اپنے دور صدارت کے ایک قصے کی عکاسی کر رہے تھے، یہ استدلال کر رہے تھے کہ رکن ممالک اس وقت تک “اپنے واجبات ادا نہیں کر رہے تھے جب تک کہ ٹرمپ نے نیٹو ممالک پر دباؤ نہیں ڈالا۔

فلوریڈا کے ریپبلکن نے کہا، ’’ان شرائط میں اس کا اظہار کرنے والے ٹرمپ صرف پہلے شخص ہیں۔

نیویارک ٹائمز کے مطابق، صدر کے طور پر، ٹرمپ نے کئی بار نجی طور پر امریکہ کو نیٹو سے نکالنے کی دھمکی دی۔ ٹرمپ نے نیٹو کو “متروک” قرار دیا ہے اور خود کو روسی صدر ولادیمیر پوتن کے ساتھ جوڑ دیا ہے، جو اس اتحاد کو کمزور کرنا چاہتے ہیں۔ ٹرمپ طویل عرصے سے پیوٹن کی تعریف کر رہے ہے اور 2016 کے صدارتی انتخابات میں روس کی مداخلت پر امریکی انٹیلی جنس کمیونٹی کے بارے میں روسی رہنما کا ساتھ دیا ہے۔