مجھے تم سے اتنا ہی پیار ہے جتنا نواز کو ۔۔۔۔۔۔ سے ، یاسر حسین کا اہلیہ اقرا سے انوکھا اظہار محبت

یاسرحسین نے شادی کی چوتھی سالگرہ پر اہلیہ اقراء عزیز کو انوکھے انداز میں مبارکباد دی ہے۔

اپنے پیغام میں ان دنوں امریکا میں چھٹیاں منانے والے یاسر نے سوئے ہوئے بیٹے کبیرحسین اور اقراء کی تصاویر شیئرکرتے ہوئے لکھا کہ ’دسمبرکی 28 تاریخ شادیوں کی سب سے عام تاریخ ہے لیکن ان کیلئے یہ سب سے خاص ہے کیونکہ اس دن انہیں اقراء ملی تھیں‘۔

اقراء کی خوبیوں کے معترف مداحوں سے یاسر نے یہ کہا کہ وہ آپ سب کیلئے ’سویٹ‘ لیکن میرے لیے بہت غصیلی ہے اور مجھے ایسے ہی پسند ہے۔

یاسر نے اہلیہ کے لیے اپنے جذبات کا اظہار کرتے ہوئے مزید لکھا کہ ’اقراء تم دنیا کی سب سے نرم اور شیریں مزاج انسان ہو، لوگ کہتے ہیں کہ آپ بہت خوش قمست ہیں کہ آپ کو اقراء ملی اور صحیح کہتے ہیں‘۔

اس پیغام کا دلچسپ حصہ یہ ہے کہ ’میں تمہیں اتنا پیار کرتا ہوں جتنا کہ نواز شریف پائے سے، ایلون مسک مریخ سے اور اداکار اپنے آپ سے‘۔

 

View this post on Instagram

 

A post shared by Yasir Hussain (@yasir.hussain131)

اقراء کا شکریہ ادا کرتے ہوئے یاسر نے انہیں شادی کی چوتھی سالگرہ کی مبارکباد کے ساتھ یقین دلایا کہ وہ اُن سے بہت پیار کرتے ہیں۔