زمبابوے کرکٹ نے ویزلی مادھویرے اور برینڈن ماوتا پر چار ماہ کی پابندی لگادی

زمبابوے کرکٹ نے قومی ٹیم کے کھلاڑیوں ویزلی مادھویرے اور برینڈن ماوتا کو منشیات کے استعمال کا قصوروار پائے جانے کے بعد ان پر چار ماہ کے لیے کھیلنے پر پابندی عائد کر دی ہے، اب تیسرے کھلاڑی کو بھی اسی طرح کے الزام کا سامنا ہے۔

آل راؤنڈرز مادھویرے اور ماوتا پر تین ماہ کے لیے کی نصف تنخواہ کے برابر جرمانہ بھی عائد کیا گیا ہے۔

زمبابوے کرکٹ کے ایک بیان میں جمعرات کو کہا گیا، “جب وہ زمبابوے کرکٹ کے طبی عملے کی نگرانی میں بحالی سے گزر رہے ہیں، تو انہیں زمبابوے کرکٹ  کے ہائی پرفارمنس پروگرام کے تحت تربیت دینے کا بھی حکم دیا گیا ہے۔”

“(انضباطی) کمیٹی نے کچھ تخفیف کرنے والے عوامل پر بھی غور کیا، دونوں کھلاڑیوں نے پچھتاوا ظاہر کیا اور پہلے ہی اس عادت سے دستبردار ہونے اور خود کو صاف کرنے پر کام شروع کر دیا ہے۔”

دونوں کھلاڑیوں کو دسمبر میں اندرون خانہ ڈوپنگ ٹیسٹ کے بعد  زمبابوے کرکٹ ایمپلائمنٹ کوڈ آف کنڈکٹ کی خلاف ورزی کا قصوروار پایا گیا تھا۔