مقامی کوہ پیماؤں کا کے 2 پر منفرد مشن، افغان کوہ پیما کی لاش کھوج نکالی

کے ٹو کی تاریخ میں پہلی بار ریسکیو آپریشن میں مقامی کوہ پیماؤں نے تاریخ رقم کر دی،مقامی کوہ پیما ٹیم نے پاک فوج کے تعاون سے افغانی کوہ پیما کی لاش 7200 فٹ کی بلندی سے کھوج نکالی ، ٹیم لیڈر عابد سدپارہ کا کہنا ہے کہ  یہ اپنی نوعیت کا پہلا اور منفرد ریسکیو آپریشن ہے جو پاک فوج کے تعاون کے بنا یہ مشکل کام ممکن نہیں تھا،،کے ٹو کی تاریخ میں آج تک ریسکیو آپریشن نہیں ہوا ، یہ پہلا موقع ہے کہ ہم نے یہ کر دکھایا ہے۔عابد سدپارہ کا کہنا ہے کہ ریسکیو آپریشن 6دنوں میں مکمل کیا گیا۔

ریسکیو مشن میں مقامی کوہ پیما صادق سدپارہ ، علی موسیٰ ،ایم مراد علی شگری عابدین شگری اور عارف سدپارہ شامل تھے،مقامی کوہ پیماؤں نے بغیر اکسیجن کے 7200 کی بلندی کا مشکل سفر طے کیا،مرحوم افغانی کوہ پیما کی لاش کو پہلے بیس کیمپ لایا گیا،بیس کیمپ سے آرمی ہیلی کاپٹر کے زریعے لاش سی ایم ایچ منتقل کی گئی۔

عابدسدپارہ کا کہنا ہے کہ مرحوم افغان کوہ پیما کی لاش ورثا کے حوالے کی جا چکی ہے، ریسکیو مشن آسان نہیں تھا ہم نے ناممکن کو ممکن بنا دیا،کے ٹو کی تاریخ میں آج تک ریسکیو آپریشن نہیں ہوا ، یہ پہلا موقع ہے کہ ہم نے یہ کر دکھایا ہے۔

عابد سدپارہ نے کہا کہ پاک فوج کے تعاون کے بغیر یہ ریسکیو آپریشن ممکن نہیں تھا، کامیابی پاک فوج اور مرحوم حسن سدپارہ کے نام کرتے ہیں۔

افغان کوہ پیما جون 2022 میں کے ٹو میں ہارٹ اٹیک کی وجہ سے 7200 کی بلندی پہ جاں بحق ہوا تھا۔