امریکا پاکستان کے معاشی مستقبل کے لیے مضبوط پارٹنر ہے، ڈونلڈ بلوم

امریکی سفیر ڈونلڈ بلوم نے وفاقی وزیر خزانہ محمد اورنگزیب سے ملاقات کی ہے،ملاقات میں امریکہ اور پاکستان کے درمیان تجارت، سرمایہ کاری اور اقتصادی تعلقات سمیت دیگر امور پر گفتگو کی گئی۔

امریکی  سفیر نے پاکستان کے معاشی اصلاحات کے ایجنڈے کے لئے جاری امریکی حمایت پر روشنی ڈالی اور کہا کہ امریکہ پاکستان کے ساتھ تکنیکی اورترقیاتی اقدامات میں کام کرنے کے لئے پرعزم ہے۔

امریکی سفیر نے کہا کہ امریکہ پاکستان کی سب سے بڑی برآمدی مارکیٹ، اعلی معیار کی سرمایہ کاری کا ایک بڑا ذریعہ ہے۔

امریکی سفیر نے کہا کہ امریکہ ، پاکستان کے معاشی مستقبل کے لئے ایک مضبوط شراکت دار ہے۔