بزنس
این ایل سی نے چین کے لیے کارگو سروس کا آغاز کردیا، ٹرکو ں کا پہلا قافلہ روانہ
این ایل سی نے چین کیلئے کارگو سروس کا آغاز کردیا۔ اسلام آباد ،کراچی سے کاشغر اور شنگھائی تک باقاعدہ کارگو شروع ہوگئی۔
پاکستان اور چین دوطرفہ تجارت کے تحت این ایل سی کے ٹرکوں کا قافلہ برآمدی سامان لے کر چین روانہ ہوگیا۔ 4ملکی ٹرانزٹ ٹریڈ معاہدے، بین الاقوامی روڈ ٹرانسپورٹ کنونشن کے نفاذ کی راہ ہموار ہوگئی۔
ٹرانزٹ ٹریڈ معاہدہ چین، پاکستان، کرغزستان اور قازقستان کے مابین ہے، دونوں معاہدے علاقائی تجارت کے فروغ کیلئے واضح روڈ میپ متعین کرتے ہیں، معاہدے خطے کی مجموعی معاشی ترقی کے ضامن ہوں گے۔