پاکستان
اسلم اقبال، جمشید چیمہ، حماد اظہر سمیت 15 ملزم اشتہاری قرار دے دئیے گئے
نو مئی کو مسلم لیگ نون کا آفس جلانے اور کلمہ چوک پر کنٹینر جلانے کے کیس میں انسداد دہشتگردی کی لاہور کی عدالت نے حماد اظہر، میاں اسلم اقبال، مسرت جمشید چیمہ، جمشید اقبال چیمہ، فواد چوہدری سمیت 15 ملزموں کو اشتہاری قرار دینے کی کاروائی شروع کر دی، عدالت نے ملزمان کے اشتہارات شائع کرنے کا حکم دے دیا۔
ملزموں کو تین مقدمات میں اشتہاری قرار دینے کی کاروائی شروع کی گئی ہے، انسداد دہشت گردی عدالت کی جج عبہر گل خان نے پولیس کی درخواست پر سماعت کی۔
پولیس نے موقف اختیار کیا کہ ملزم کی گرفتاری کے خوف سے دانستہ طور پر چھپ رہے ہیں، ملزموں کے خلاف اشتہاری کی کاروائی کا آغاز کیاجائے۔