190 ملین پاؤنڈ کیس، عمران خان اور پرویز خٹک کا آمنا سامنا، بات نہ کی

190 ملین پاؤنڈ ریفرنس میں سابق وزیر دفاع پرویز خٹک نے شہادت قلمبند کرادی، عدالت میں بانی پی ٹی آئی عمران خان اور پرویز خٹک کا آمنا سامنا ہوا لیکن دونوں ہم کلام نہ ہوئے ۔احتساب عدالت نے سماعت 13 جولائی تک ملتوی کردی۔

بنی گالہ سرکل کے پٹواری غلام عباس کی شہادت بھی قلمبند بند کر لی گئی،ریفرنس کی سماعت احتساب عدالت کے جج محمد علی وڑائچ نے اڈیالہ جیل میں کی۔
اب تک استغاثہ کے 32 گواہان کی شہادت قلمبند ہوچکی،30 گواہان پر ملزمان کے وکلاء جرح مکمل کر چکے ہیں،پرویز خٹک اور بانی پی ٹی آئی عدالت میں آمنا سامنا ہونے پر آپس میں ہم کلام نہ ہوئے ۔ پرویز خٹک کے روسٹرم پر آتے ہی بانی پی ٹی آئی بھی وہاں آکر کھڑے ہوگئے ۔
پرویز خٹک بانی پی ٹی آئی سے دور ہو کر نیب پراسیکوٹر کے پاس جاکر کھڑے ہو گئے۔