20 لاکھ عازمین اس سال حج کی سعادت حاصل کر رہے ہیں، سعودی وزیر

سعودی عرب کے وزیر حج و عمرہ ڈاکٹر توفیق الربعیہ کا کہنا ہے کہ رواں برس 160 ممالک کے 20 لاکھ سے زائد عازمین مناسک حج ادا کریں گے جن کو سہولیات فراہم کرنے کے لئے ہر ممکنہ اقدامات کیے گئے ہیں

سعودی وزیر حج و عمرہ ڈاکٹر توفیق الربعیہ کا کہنا ہے کہ کووڈ 19 کے بعد دنیا بھر سے عازمین حج کی بڑی تعداد سعودی عرب پہنچ رہی ہے جس میں دنیا کے 160 ممالک کے 20 لاکھ سے زائد عازمین حج بیت اللہ کی سعادت حاصل کریں گے جن صحت کے لئے 32 ہزار سے زائد پریکٹیشنرز عازمین کی خدمت کر رہے ہیں 24 ہزار مسافر بردار بسیں فراہم کی گئی ہیں .

سعودی وزیر حج نے کہا کہ دنیا کی سب سے بڑی خیمہ بستی کے 20 لاکھ 192 ہزار مربع میٹر کے علاقے میں سہولیات کو فراہم کیا گیا ہے مزدلفہ اور منی میں گرمی کی شدت کو کم کرنے کے لئے ایک لاکھ 30 ہزار سے زائد درخت لگائے گئے ہیں مشاعر مقدسہ منی،مزدلفہ اور میدان عرفات میں حجاج کرام کی آمد و رفت کے لئے 17 ٹرینیں چلائی جائیں گی جو 9 اسٹیشنوں پر عازمین کو سفری سہولت فراہم کریں گی۔

سعودی وزیر حج و عمرہ ڈاکٹر توفیق الربعیہ کا مزید کہنا ہے کہ سعودی آرمی سمیت حج وعمرہ فورس اور پولیس کے ہزاروں اہلکار ڈیوٹی سرانجام دیں گے