امیر بالاج ٹیپو کے قتل کے لیے 2 شوٹر، 3 سہولت کار موقع پر موجود تھے

امیربالاج ٹیپو قتل کیس میں زیر حراست 7 ملزموں کے تفتیش کے دوران اعترافی بیانات کی تفصیل سامنے آگئی۔ بالاج کو قتل کرنے کے لئیے 2 شوٹر اور 3 سہولت کار موقع پر موجود تھے۔

بالاج کو قتل کرنے والے شوٹر مظفر کو موقع پر کس نے گولیاں مار کر قتل کیا؟ تاحال کوئی تعین نہ ہو سکا۔ ملزم احسن شاہ نے امیر بالاج کے بارے میں طیفی بٹ کو بار بار اطلاع دینے کا اعترافی بیان دے دیا۔

گرفتار ملزم احسن شاہ کو آج  عدالت پیش کر کے مزید تفتیش کے لیے 6 روزہ ریمانڈ بھی حاصل کر لیا گیا۔

مبینہ ملزم احسن شاہ کو آج  جوڈیشل مجسٹریٹ صدف بتول کی عدالت میں پیش کیا گیا۔ سی آئی اے آرگنائزڈکرائم کی  نے بالاج قتل کی تفتیش کے لیے علی اصغر پٹھان، ملک سہیل، احسن شاہ، شوٹر ایاز، سہولت کار بلال اور وقوعہ میں استعمال ہونے والی گاڑی کے ڈرائیور حسنین کو حراست میں لے رکھا ہے۔

قتل  کے الزام میں زیر حراست ملزمان سے تفتیش کے دوران تمام تانے بانے طیفی بٹ سے ملتے ہیں۔ احسن شاہ پر مقدمہ میں نامزد ملزموں طیفی بٹ اور گوگی بٹ کے ساتھ رابطوں کا الزام ہے ۔۔احسن شاہ نے دوران تفتیش اس بات کا اعتراف کر لیا ہے۔