پاکستان
ملیر ایکسپریس وے کی زیر تعمیر سڑک پر موٹرسائیکل ریس میں 2 نوجوانوں کی موت
ملیر ایکسپریس وے کی زیر تعمیر سڑک پر موٹر سائیکل ریس کے دوران حادثہ ، 2 نوجوان زندگی کی بازی ہار گئے۔
واقعہ شاہ فیصل کالونی کے قریب پیش آیا، حادثے میں جاں بحق نوجوان کی شناخت 18 سالہ شایان اور 20 سالہ حسن کے نام سے ہوئی۔
نوجوان حسن ملیر کا رہائشی اور 12 ویں جماعت کا طالب علم تھا جبکہ شایان شاہ فیصل کالونی کا رہائشی تھا، حادثہ شرافی گوٹھ تھانے کی حدود میں پیش آیا۔
جاں بحق نوجوانوں کے لواحقین جناح ہسپتال سے قانونی کارروائی کروائے بغیر ہی لاشیں اپنے ہمراہ لے گئے۔