تازہ ترین
بنی گالہ میں 3 کروڑ کی ڈکیتی، ڈاکو ہیرے، سونا اور ڈالرز لوٹ کر لے گئے
اسلام آباد کے علاقے بنی گالہ میں واقع گھر میں ڈکیتی کی بڑی واردات میں ڈاکو3کروڑ مالیت کے ہیرے، سونا، نقدی،ڈالر، قیمتی گھڑیاں لوٹ کر فرار ہوگئے۔
تھانہ بنی گالہ میں شہری عبداللہ حسن کی مدعیت مقدمہ درج کرلیا گیا۔
مدعی نے بتایا کہ میں ایف الیون موجود تھا، میرے باورچی نے کال پر گھر میں ڈاکو گھس آنے کی اطلاع دی۔
ایف آئی آر کے مطابق دو مسلح ڈاکوؤں نے باورچی کی آنکھوں پر پٹی باندھی،ملزمان نے الماری سے ایک کروڑ مالیت کے ہیرے، 35تولہ سونا، 75لاکھ روپے کی 10گھڑیاں نکال لیں۔
ملزمان 15ہزار ڈالر، ساڑھے تین لاکھ نقدی اور قیمتی پرفیوم بھی لوٹ یر لے گئے۔
تھانہ بنی گالہ پولیس نے واقع کی تحقیقات شروع کردی۔