لاہور میں تجاوزات ہٹانے کے لیے 48 گھنٹے کی مہلت، کوئی رعایت نہیں ہوگی، وزیراعلیٰ

نگران وزیراعلیٰ پنجاب محسن نقوی کی صدارت  میں ہونے والے اجلاس میں انسداد تجاوزات آپریشن کی باضابطہ منظوری دی گئی۔

نگران وزیراعلیٰ نے افسران کو متعلقہ علاقوں میں آپریشن کی تیاری کی ہدایت کی۔ محسن نقوی نے کہا کہ منگل کی صبح سے باضابطہ آپریشن شروع ہوگا،انسداد تجاوزات مہم میں کوئی رعایت نہیں ہوگی،سختی کرنی پڑی تو کریں گے۔

نگران وزیراعلیٰ پنجاب نے کہا کہ 48 گھنٹے بعد تجاوزات کے خاتمے کیلئے کریک ڈاؤن شروع ہو جائےگا،آمدورفت میں رکاوٹ دور کرنے کیلئےتجاوزات کا خاتمہ ضروری ہے۔

نگران وزیراعلیٰ پنجاب نے کہا کہ بیشتر مقامات پر تجاوزات ہی ٹریفک جام کا باعث ہیں۔

اجلاس میں سیکرٹری ٹرانسپورٹ،سی سی پی اولاہور،کمشنر لاہور،ڈپٹی کمشنر،اسسٹنٹ کمشنرزاورپولیس حکام نے شرکت کی۔