پاکستان
زمان پارک سے فرار کی کوشش کرنے والے 8افراد پکڑے گئے، ترجمان پنجاب حکومت
پنجاب حکومت نے دعوی کیا ہے کہ زمان پارک سے فرار ہونے کی کوشش کرنے والے 8 افراد گرفتار کر لیے گئے ہیں۔
یہ دعوی پنجاب کے نگران وزیر اعلی کی جانب سے ٹوئٹر اکاوئنٹ پر کیا گیا جس میں کہا گیا ہے کہ گرفتار ہونے والے تمام افراد کور کمانڈر ہاؤس لاہور پر حملے میں ملوث تھے۔
لاہور پولیس نے زمان پارک سے فرار ہونے کی کوشش کرنے والے 8 دہشت گردوں کو گرفتار کرلیا ہے۔ تمام گرفتار دہشتگرد کورکمانڈر ہاؤس لاہور پر حملے میں ملوث تھے۔
— Minister Information Punjab (@MinisterInfoPb) May 18, 2023
واضح رہے کہ اب سے کچھ وقت قبل عمران خان نے زمان پارک میں صحافیوں سے بات کرتے ہوئے کہا کہ حکومت کو چاہیے کہ ان چالیس افراد کے نام لے جنھوں نے مبینہ طور پر زمان پارک میں پناہ لے رکھی ہے۔