ماسکو میں بغاوت سے ہمارا کوئی تعلق نہیں، امریکی انٹیلی جنس چیف کا روسی ہم منصب کو فون

امریکا کے خفیہ ادارے سی آئی اے کے ڈائریکٹر ولیم برنز نے روس کی خفیہ ایجنسی کے سربراہ سرگئی ناریشکین کو فون کر کے یقین دلایا ہے کہ پچھلے ہفتے روس میں ہونے والی بغاوت میں امریکا کا کوئی کردار نہیں۔

نیویارک ٹائمز اور وال سٹریٹ جرنل نے اس رابطے کی تصدیق کی ہے۔ رپورٹس کے مطابق روس کی فارن انٹیلی جنس کے چیف اور سی آئی اے کے سربراہ کے درمیان فون رابطہ اسی ہفتے ہوا۔ روس میں بغاوت کے بعد دونوں ملکوں کے درمیان یہ اعلیٰ ترین سطح کا پہلا رابطہ ہے۔

روس کے نجی فوجی گروپ نے پچھل ہفتے اچانک بغاوت کر کے دنیا کو حیران کر دیا تھا۔

امریکی صدر جو بائڈن نے کہا تھا کہ یہ بغاوت پیوٹن کے اپنے سسٹم کے اندر سے ہوئی اور امریکا یا اس کے اتحادیوں کا اس سے کوئی تعلق نہیں۔