پاکستان کی فضائی حدود مکمل محفوظ، یورپی ایجنسی کی ایڈوائزری بے بنیاد ہے، سول ایوی ایشن حکام

پاکستان کی فضائی حدود سے متعلق یورپی ایوی ایشن ایجنسی ایاسا کی ہدایات کے تناظر میں پاکستان سول ایوی ایشن اتھارٹی نے ردعمل جاری کردیا۔

سی اے اے حکام کے مطابق ایاسا کی جاری ہدایت میں طیاروں کو سنگین خطرات کی بات مکمل بے بنیاد ہے،پاکستانی فضائی حدود کے متعلق  28 جولائی کو جاری یورپی ایوی ایشن ایجنسی کی جاری ہدایات کی نفی کرتے ہیں،پاکستان میں کوئی تنازع نہیں ہے اس لیے طیاروں کو کسی قسم کوئی خطرہ نہیں۔

برطانیہ نے بھی پاکستان کی فضائی حدود کو طیاروں کے لیے مکمل محفوظ قرار دیا ہے،اسی لیے برطانوی برٹش ائیرویز پاکستان میں اپنا فلائٹ آپریشن جاری رکھے ہوئے ہے،ایاسا کے اینٹی ائیرکرافٹ گنز کے متعلق بیان کو بھی رد کرتے ہیں۔

ایاسا کی پاکستانی فضائی حدود میں 26 ہزار فٹ سے نیچے طیاروں کو خطرے کی بات بھی بے بنیاد ہے کیونکہ جرمنی فرانس سمیت یورپی ملکوں نے بھی پاکستانی فضائی حدود کو طیاروں کے لیے مکمل محفوظ قرار دیا ہے، پاکستان میں کسی بھی عنصر کو طیارہ شکن ہتھیاروں،خاص طور پر مین  پورٹیبل ایئر ڈیفنس سسٹم طیارہ شکن میزائل سسٹم تک رسائی حاصل نہیں ہے۔