شیخ رشید کی بازیابی کے لیے پولیس کو مزید ایک ہفتے کی مہلت

سابق وزیر داخلہ شیخ رشید احمد لاپتہ کیس میں عدالت کی جانب سے ان کی بازیابی کیلئے پولیس کی مزید ایک ہفتہ مہلت کی استدعا منظور کر لی

سابق وزیر داخلہ شیخ رشید احمد کی گرفتاری کے خلاف دائر پٹیشن ہر لاہور ہائیکورٹ راولپنڈی بینچ میں سماعت ہوئی۔ ریجنل پولیس آفیسر سید خرم علی نے شیخ رشید کی گرفتاری سے متعلق عدالت میں رپورٹ پیش کرتے ہوئے بیان دیا کہ سی پی او، ایس ایس پی آپریشنز اور دیگر پولیس افسران شیخ رشید کی گرفتاری میں ملوث نہیں اور نا ہی وہ راولپنڈی پولیس کی حراست میں ہیں لہذا ان کی بازیابی کیلئے عدالت سے مزید مہلت کی استدعا ہے، کوشش کر رہے ہیں مہلت دیں بازیاب کرا لیں گے۔

اس پر لاہور ہائیکورٹ راولپنڈی بنچ کے جسٹس صداقت علی خان نے پولیس کی  استدعا منظور کرتے ہوئے شیخ رشید کو آئندہ سماعت 26 اکتوبر تک بازیاب کرانے کا حکم دیا۔