لاہور سے کینیڈا جانے والی پی آئی اے پرواز کی فضائی میزبان ٹورنٹو میں زیرحراست

پی آئی اے کی لاہور سے ٹورنٹو کی پرواز میں تعینات خاتون فضائی میزبان کو کینیڈا میں حراست میں لے لیا گیا،ذرائع کے مطابق پی کے 789 پر تعینات حنا ثانی نامی ایئرہوسٹس سے مبینہ طورپر غیرمتعلقہ پاسپورٹ برآمد ہوئے،ایئرہوسٹس کو پہلے بھی ممنوعہ اشیا کینیڈا لانے پر وارننگ دی گئی تھی۔

ذرائع کا کہنا ہے کہ زیر حراست ائر ہوسٹس معروف پاکستانی گلوکارہ کی عزیزہ ہیں اور خود بھی سوشل میڈیا ماڈلنگ کرتی ہیں، پرواز 789 پر حنا ثانی کے ہمراہ 7 اور فضائی میزبانوں کو بھیجا گیا جن کو ٹورنٹو کے لئے ائر لائن نے نو فلائی ڈکلیئر کیا ہوا تھا۔

ذرائع کا کہنا ہے کہ اس عملے کی خصوصی اجازت ڈی جی ایم فلائیٹ سروسز نے اپنی آئی ڈی سے دی جو روٹین سے ہٹ کر قدم ہے، پرواز پر تعینات دیگر دو ائر ہوسٹسز سے پوچھ گچھ کے بعد کینیڈین حکام نے پوچھ گچھ کے بعد ہوٹل جانے کی اجازت دے دی۔

اپنے پاسپورٹ کے علاوہ دیگر افراد کے پاسپورٹ کے ساتھ سفر کرنا بین الاقوامی جرم ہے

ترجمان پی آئی اے عبداللہ خان کا کہنا ہے کہ واقعہ سے میں آگاہ ہیں، کینیڈین حکام سے رابطے میں ہیں، کینیڈین حکام کے ساتھ مکمل تعاون کیا جائے گا اور کسی بھی قسم کی قانونی کاروائی پر عمل کیا جائے گا۔