مناسب ہوتا مخصوص نشستوں کے معاملے پر 5 رکنی لارجر بینچ کوئی آرڈر جاری کرتا، وفاقی وزیر قانون

وفاقی وزیر قانون اعظم نذیر تارڑ نے مخصوص نشستوں کے متعلق سپریم کورٹ کے آرڈر پر کہا ہے یہ آئینی تشریح کا معاملہ ہے مناسب ہوتا اگر لارجر بنچ ہی کوئی عبوری حکمنامہ بھی جاری کرتا،آرٹیکل 67 کے مطابق رکن کی قانون سازی کی اہلیت پر سوال نہیں اٹھایا جاتا۔

وفاقی وزیر قانون اعظم نذیر تارڑ نے سپریم کورٹ کے مخصوص نشستوں سے متعلق عبوری حکم پر بیان میں کہا کہ یہ آئینی تشریح کا معاملہ ہے،سپریم کورٹ پریکٹس اینڈ پروسیجر ایکٹ کے تحت پانچ رکنی لارجر بنچ کا معاملے کی سماعت کرنا موزوں ہوتا،مناسب ہوتا اگر لارجر بنچ ہی کوئی عبوری حکمنامہ بھی جاری کرتا،یہ آئین کے آرٹیکل 51 اور 106 کی تشریح کا معاملہ ہے،پارلیمان کی قانون سازی کے اختیار کے معاملے میں امتناع کے حکم سے احتراز برتا جانا چاہیے تھا۔

وزیر قانون نے کہا منتخب رکن کے قانون سازی کے اختیار پر زد پڑتی ہو تو زیادہ احتیاط برتی جاتی ہے،آرٹیکل 67 واضح ہے کہ رکن کی طرف سے کی گئی قانون سازی قانونی نااہلیت کے باوجود برقرار رہتی ہے۔

وزیر قانون اعظم نذیر تارڑ نے کہا آرٹیکل 67 کے مطابق رکن کی قانون سازی کی اہلیت پر سوال نہیں اٹھایا جاتا،امید ہے حتمی فیصلے میں پشاور ہائیکورٹ کا فیصلہ برقرار رہے گا۔