ٹاپ سٹوریز
برآمدات 100 ارب ڈالر تک بڑھانے کا مشن، 20 رکنی وفد کل چین روانہ ہوگا
![](https://urduchronicle.com/wp-content/uploads/2023/05/pakistan-china-1.jpg)
پاکستان کے ایکسپورٹ سیکٹر کے تمام شعبوں کی نمائندگی کرنے والا 20 رکنی وفد اتوار کو چین روانہ ہوگا، دورےکا مقصد پڑوسی اتحادی کے ساتھ اپنے تجارتی خسارے کو کم کرنا ہے۔
اس پیشرفت کو وفاقی وزیر تجارت و صنعت ڈاکٹر گوہر اعجاز نے ہفتے کے روز سوشل میڈیا پلیٹ فارم ایکس پر ایک ویڈیو پیغام کے ذریعے شیئر کیا۔
ڈاکٹر اعجاز نے کہا کہ پاکستان کا چین کے ساتھ تجارتی حجم بہت زیادہ ہے۔ پاکستان چین سے 20 ارب ڈالر کی اشیا درآمد کرتا ہے۔ تاہم، پڑوسی ملک کو صرف 2 بلین ڈالر کی ہی برآمد کی جاتی ہے۔
“گزشتہ تین ماہ میں، ہم نے پاکستان کی برآمدات کو موجودہ 30 بلین ڈالر سے 100 بلین ڈالر تک بڑھانے کے وژن کے ساتھ کئی مشقیں کیں۔ اس سلسلے میں، ہم نے چین میں سب سے بڑی صلاحیت دیکھی ہے، اور مجھے یقین ہے کہ ہمیں اس تجارتی خسارے کو کم کرنے کی ضرورت ہے۔
“ہم نے ٹیکسٹائل کے برآمد کنندگان اور نان ٹیکسٹائل سیکٹر کے مینوفیکچررز کے ساتھ ملاقاتیں کیں اور ان صنعت کاروں کی صلاحیت کا اندازہ لگایا۔ ہم نے 20 رکنی وفد کا انتخاب کیا ہے، جو نئی منڈیوں کی تلاش کے لیے چین جائے گا۔
نگراں وزیر نے کہا کہ پاکستان میں صلاحیت موجود ہے۔
انہوں نے مزید کہا کہ ‘میرا ماننا ہے کہ چین ہماری سب سے بڑی صلاحیت ہے، ہم چین کے ساتھ اپنے تجارتی خسارے کو کم کرکے اپنی معاشی پریشانیوں یعنی کرنٹ اکاؤنٹ خسارے کو ختم کرسکتے ہیں، یہ ہمارے دورے کا بنیادی مقصد ہے’۔
The Industry Advisory Council was concluded on Thursday, followed by the Export Advisory Council for the top 12 Textile Exporters from all sectors.
On Friday, the second Export Advisory Council for Non-Textile sectors, with 12 Sector Chairmen, convened. It was decided that the… pic.twitter.com/3aeHYcdNvm
— Dr Gohar Ejaz (@Gohar_Ejaz1) December 9, 2023
سوشل میڈیا پلیٹ فارم ایکس پر ایک ٹیکسٹ پیغام میں ڈاکٹر اعجاز نے کہا کہ دورہ چین برآمدات کی قیادت میں ترقی کی جانب پاکستان کے سفر کا آغاز ہوگا۔
نگراں وزیر نے بتایا کہ یہ فیصلہ ٹیکسٹائل اور نان ٹیکسٹائل سیکٹرز کے لیے انڈسٹری ایڈوائزری کونسل اور ایکسپورٹ ایڈوائزری کونسل (ای اے سی) کے ساتھ میٹنگز کے بعد کیا گیا ہے جہاں یہ فیصلہ کیا گیا تھا کہ ایکسپورٹ گروتھ کا راستہ چین سے گزرتا ہے۔
ڈاکٹر اعجاز نے لکھا، ’’میں پاکستان میں چین کے سفیر جیانگ زیڈونگ اور چین میں پاکستان کے سفیر خلیل ہاشمی کے ساتھ ساتھ چین کی وزارت تجارت کا پاکستان کو چین کے ساتھ تجارت کو فروغ دینے میں سہولت فراہم کرنے پر شکریہ ادا کرنا چاہتا ہوں۔‘‘
ای اے سی نے جمعہ کے روز اپنا افتتاحی اجلاس نگراں وزیر تجارت کی صدارت میں منعقد کیا جس میں پاکستان کے 100 بلین ڈالر کے ایکسپورٹ ویژن کا کورس ترتیب دیا گیا۔
کونسل نے اگلے پانچ سالوں میں ملکی برآمدات کو 50 بلین ڈالر تک بڑھانے کی تجاویز پر غور کیا۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی