کراچی کے کڈنی ہل کا ایک گوشہ ابو داہبی کارنر کے نام سے منسوب

کراچی کے پرفضا مقام کڈنی ہل کا ایک گوشہ ابو داہبی کارنر کے نام سے منسوب کر دیا گیا۔

اماراتی قونصل جنرل کراچی بخیت عتیق الرومیتی نے ابو دابی فلاور کارنرمیں شجرکاری کرکے اس کا افتتاح کیا،وہ خصوصی دعوت پر کڈنی ہل میں ابودہبی کارنر میں شجر کاری کیلٸے پہنچے تھے۔

اس موقع پرگفتگو میں بخیت عتیق الرومیتی کا کہنا تھا کہ برادرملک پاکستان کی تعمیر و ترقی کے خواہش مند ہیں،پاکستان کے چپّے چپّے کو خوشیوں اورپھولوں سےسجانا چاہتے ہیں،خوشحال اورمستحکم پاکستان ہی پاکستان سےمحبّت کرنےوالوں کی اوّلین خواہش ہے،متحدہ عرب امارات کی حکومت اورعوام اس مقصد کیلٸے ہرممکن تعاون کررہی ہے۔