تازہ ترین
واشنگٹن میں اسرائیلی سفارتخانے کے سامنے ایک شخص کی خودسوزی، شدید زخموں کے ساتھ ہسپتال منتقل
ایمرجنسی سروسز کے مطابق واشنگٹن ڈی سی میں اسرائیلی سفارت خانے کے سامنے ایک شخص نے خود کو آگ لگا لی۔یہ واقعہ اتوار کو مقامی وقت کے مطابق تقریباً 13:00 بجے پیش آیا۔
شہر کے فائر ڈپارٹمنٹ نے رپورٹ کیا کہ امریکی خفیہ سروس کے افسران نے اس شخص کو شدید، جان لیوا زخموں کے ساتھ ہسپتال لے جانے سے پہلے آگ کو بجھا دیا۔
واشنگٹن کا محکمہ پولیس ، سیکرٹ سروس اور دیگر متعلقہ حکام کے ساتھ مل کر تحقیقات کر رہا ہے۔
ایک بیان میں، اسرائیلی وزارت خارجہ نے کہا کہ یہ شخص سفارت خانے کے عملے سے واقف نہیں تھا۔
ایک مشکوک گاڑی کے بارے میں خدشات پر بم ڈسپوزل یونٹ کو جائے وقوعہ پر بھیجا گیا جو اس فرد سے منسلک ہو سکتی تھی۔بعد میں کوئی خطرناک مواد نہ ملنے پر اسے محفوظ قرار دے دیا گیا۔
سفارت خانے کے ترجمان نے نیویارک ٹائمز کو بتایا کہ اس واقعے میں سفارت خانے کے عملے کا کوئی رکن زخمی نہیں ہوا۔
یہ پہلا موقع نہیں جب کسی نے امریکا میں اسرائیلی سفارتی مشن کے سامنے خود سوزی کی ہو۔
دسمبر میں امریکی ریاست جارجیا میں اسرائیلی قونصل خانے کے سامنے مظاہرین میں سے ایک نے خود کو آگ لگا لی تھی۔
پولیس کا کہنا ہے کہ مظاہرین نے پیٹرول کا استعمال کیا، اور اس موقع پر جائے وقوعہ سے فلسطینی پرچم بھی ملا۔