ایران کے صدر کے دورہ کے موقع پر کل لاہور میں عام تعطیل کا اعلان

ایرانی صدر ابراہیم رئیسی کے دورہ لاہور کے موقع پرکل عام تعطیل   کا اعلان کردیا گیا۔

حکومت نے بروز منگل لاہور میں تعطیل کا نوٹیفکیشن جاری کردیا،چھٹی کا اطلاق صرف ڈسٹرکٹ لاہور پر ہوگا،پنجاب سول سیکرٹریٹ سے منسلک محکموں میں تعطیل نہیں ہوگی۔

ایران کے صدر ڈاکٹر سید ابراہیم رئیسی کی لاہور آمد سے قبل سیکیورٹی انتظامات مکمل کر لیے گئے۔انٹیلی جنس بیورو سپیشل برانچ اور پولیس کے اعلی افسران کے ہنگامی اجلاس ہوا، اس کے علاوہ مسلح افواج کے دستے  بھی شہر کے کئی مقامات پر پہنچ گئے۔

ایران کے صدر کا لاہور میں بھی پرتپاک خیر مقدم کرنے کے لیے انتظامات مکمل کر لئے گئے۔صدر مختلف مقامات کا دورہ کریں گے۔ پاک فوج کے دستے بھی صدر کی  سیکیورٹی میں شامل ہوں گے۔