پرائس کنٹرول کے لیے 5 دن میں باقاعدہ ڈیپارٹمنٹ قائم کیا جائے، وزیراعلیٰ پنجاب

وزیر اعلیٰ مریم نواز شریف نے 5 روز میں پرائس کنٹرول کے لئے باقاعدہ ڈیپارٹمنٹ قائم کرنے کا حکم دیا۔

وزیر اعلیٰ پنجاب مریم نواز شریف نے عہدہ سنبھالتے ہی مہنگائی سے ریلیف کے لئے اقدامات شروع کر دیئے، وزیراعلیٰ نے پرائس کنٹرول کے حوالے سے تمام کمشنرز اور ڈپٹی کمشنرز کے اجلاس کی صدارت کی۔

وزیر اعلیٰ پنجاب مریم نواز شریف نے پرائس کنٹرول کے لئے پائیدار اقدامات کا حکم دیتے ہوئے فوری پلان طلب کر لیا،وزیر اعلیٰ مریم نواز شریف نے 5روز میں پرائس کنٹرول کے لئے باقاعدہ ڈیپارٹمنٹ قائم کرنے کا حکم دیا۔

وزیر اعلیٰ مریم نواز شریف نے ڈیمانڈ اور سپلائی سسٹم کی مانیٹرنگ کی ہدایت کی اور کہا کہ پرائس کنٹرول کے لئے باقاعدہ قانونی میکنزم موجود نہیں،عارضی اقدامات کافی نہیں۔  مہنگائی پر قابوپاناترجیحات میں اولین ہے۔گراں فروشی کے خاتمے کے لئے پائیدار سسٹم وضح کیا جائے،پھلوں ،سبزیوں اور دیگر اشیا خوردونوش کے نرخ کنٹرول کئے جائیں۔

مریم نواز شریف نے کہا کہ گراں فروشی کا ارتکاب کرنے والوں کے سزا یقینی بنائی جائے۔

اجلاد میں سینیٹر پرویز رشید،ارکان اسمبلی مریم اورنگزیب ، عظمی بخاری، بلال کیانی، افضل کھوکھر، ثانیہ عاشق، چیف سیکرٹری ۔ائی جی پنجاب، چیئرمین پی اینڈ ڈی، سیکریٹرز پولیس حکام اور دیگر نے شرکت کی۔