پاکستان
کوئٹہ کراچی روڈ پر اینٹی نارکوٹکس فورس کی کارروائیاں، 5 من سے زیادہ چرس پکڑی گئی
اینٹی نارکوٹکس فورس نے کوئٹہ،کراچی روڈ(آرسی ڈی )پر2کارروائیوں کے دوران 5من سے زائد چرس قبضے میں لے لی۔
ترجمان اینٹی نارکوٹکس فورس کے مطابق منشیات کے خلاف کامیاب کارروائیوں کا سلسلہ جاری ہے،خفیہ اطلاع پرکوئٹہ اورکراچی کے درمیانی روڈ(آرسی ڈی)پربیک وقت دوکارروائیاں کی گئیں۔ان کارروائیوں کے دوران 204کلوگرام چرس تحویل میں لی گئی
۔ترجمان اے این ایف کے مطابق پہلی کارروائی کے دوران کوئٹہ سے کراچی جانے والی منی بس سے84کلوگرام چرس برآمد کی گئی۔برآمد شدہ چرس بس کے خفیہ خانوں میں مہارت سے چھپائی گئی تھی۔ کارروائی میں مستونگ کے رہائشی 2ملزمان کو گرفتارکرلیاگیا۔
دوسری کارروائی کے دوران مال بردارٹرک میں بنائے گئے خفیہ خانوں سے120کلوگرام چرس برآمد کی گئی،گرفتارمُلزمان کیخلاف انسدادِ منشیات ایکٹ کے تحت مقدمات درج کر کے تفتیش کا آغاز کر دیا گیا ہے۔