پاکستان اور ڈنمارک کے درمیان گرین انرجی سے متعلق معاہدہ طے پا گیا

پاکستان اور ڈنمارک میں گرین انرجی سے متعلق معاہدہ ہوگیا،کراچی میں ڈنمارک کے سفیر نے کہا سیلاب،گلیشیئرز کا تیزی سے پگھلنا انسانوں کے لیے خطرہ ہے،موسمیاتی چیلنجز سے نمٹنے کیلئے پاکستان کے ساتھ کھڑے ہیں۔

موسمیاتی تبدیلی اورماحولیاتی تغیر سے نمٹنے کیلئے مشترکہ کوششوں کے تناظرمیں ڈنمارک سفارت خانے کی جانب سے کراچی کے مقامی ہوٹل میں تقریب کا انعقاد کیاگیا۔

پاکستان میں ڈنمارک کے سفیر جیکب لینولف کا کہناتھا کہ ڈنمارک نے پاکستان کے ساتھ تعاون کا آغاز کیاہے،جسے ڈینش انرجی ٹرانزیشن انیشیٹوکہا جاتاہے،جوپاکستان میں توانائی کے میدان میں تیکنیکی مہارت،معلومات اورپائیدارتوانائی کے تصورکو حقیقی معنوں میں ممکن بنانے کی کاوش ہے،ان کا عزم ہے کہ پاکستان کی ڈینش توانائی تک رسائی ہواورپاکستان کے اندربھی سبزتوانائی کی منتقلی کا آغازہو،ہماری بھرپور کوشش ہے کہ گرین انرجی سے متعلق آگاہی اورعملی طورپراس کے ثمرات نمایاں ہو، منتظمین کا کہنا تھا کہ ماحولیاتی تبدیلی بڑی حقیقت ہے جس سے مقابلے کیلئے متحد ہونا ہوگا۔