خواتین
آسٹریلوی پارلیمان میں خواتین ارکان کو جنسی ہراساں کئے جانے کے الزامات کی گونج
![](https://urduchronicle.com/wp-content/uploads/2023/06/lidia-thrope-1.jpg)
آسٹریلیا میں ایک خاتون سینیٹر نے ساتھی سینیٹر کی طرف سے اپنا پیچھا کئے جانے اور غیر مناسب انداز سے چھونے کی شکایت کی ہے، جس سے آسٹریلوی سینیٹ کے اندر خواتین کے تحفظ پر سوال اٹھے ہیں، خاتون سینیٹر نے حکومت سے مطالبہ کیا ہے کہ وہ سینیٹ بلڈنگ کو خواتین کے لیے محفوظ بنائے۔
سینیٹ میں رندھی آواز کے ساتھ پریس کانفرنس سے خطاب میں آزاد سینیٹر لیڈیا تھروپ نے کہا کہ انہوں نے اس واقعہ پر قانونی کارروائی نہ کرنے اور پولیس میں شکایت نہ درج کرانے کا فیصلہ کیا ہے۔ سینیٹر نے ہراساں کرنے والے مرد سینیٹر کا نام بھی نہیں لیا۔
سینیٹر لیڈیا تھروپ نے کہا کہ مجھے بااثر مردوں کی جانب سے جنسی تبصروں اور نامناسب انداز میں چھوئے جانے کا سامنا کرنا پڑا، ایک مرد نے سیڑھیوں میں میرا پیچھا کیا جہاں کوئی گواہ یا سکیورٹی کیمرہ نہیں تھا۔
سینیٹر لیڈیا تھروپ نے اس پریس کانفرنس سے ایک دن پہلے سینیٹ کی پچھلی مدت کے دوران لبرل پارٹی کے سینیٹر ڈیوڈ وان پر ہراساں کرنے اور جنسی حملے کے الزامات عائد کئے تھے۔
سینیٹر ڈیوڈ وان نے فوری طور پر ان الزامات کو مسترد کیا تھا اور سینیٹر لیڈیا نے بھی الزامات واپس لیتے ہوئے کہا تھا کہ وہ کسی کے کردار پر تبصرے سے متعلق سینیٹ قوانین کی پابندی کریں گی۔
پریس کانفرنس کے دوران سینیٹر لیڈیا نے ڈیوڈ وان کا نام نہیں لیا اور کہا کہ وہ صرف اپنے تجربات پر بات کریں گی۔
سینیٹر لیڈیا کی پریس کانفرنس کے بعد سینیٹر وان نے ایک بار پھر الزامات کی تردید کی اور ایک بیان میں کہا کہ وہ تفتیش میں مکمل تعاون کریں گے اور ہر سوال کا جواب دیں گے ، سینیٹر لیڈیا کو بھی ایسا ہی کرنا چاہئے۔
لبرل پارٹی کے سربراہ نے ایک بیان میں کہا کہ الزامات ان کے علم میں لائے گئے ہیں اور سینیٹر ڈیوڈ وان کو آئندہ پارٹی میٹنگز میں شامل نہیں کیا جائے گا۔تاہم لبرل پارٹی کے سربراہ پیٹر ڈوٹن نے واضح کیا کہ اس فیصلے کا مطلب ہرگز یہ نہیں کہ ڈیوڈ وان مجرم ہیں یا ان کے کردار پر کوئی فیصلہ دیا گیا ہے۔
سینیٹر لیڈیا تھروپ کے الزامات سے پہلے بھی آسٹریلوی پارلیمان میں جنسی ہراسانی کی کئی شکایات سامنے آچکی ہیں،اس پر پارلیمان نے انکوائری کی اور اس میں ثابت ہوا کہ ہر تین میں سے ایک کو جنسی ہراسانی کا سامنا کرنا پڑا۔
سینیٹر لیڈیا نے کہا کہ مجھے پتہ ہے کئی اور لوگوں کے ساتھ بھی ایسا ہوچکا ہے لیکن وہ اپنے کیرئیر بچانے اور میڈیا میں غلط انداز میں پیش کئے جانے سے ڈرتے ہیں۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی