ٹاپ سٹوریز
امریکی سفیر کی چیف الیکشن کمشنر سے ملاقات،منتخب نمائندوں کے ساتھ مل کر کام کی یقین دہانی
چیف الیکشن کمشنرسکندرسلطان راجا سے امریکی سفیرڈونلڈ بلَوم نے ملاقات کی ہے، امریکی سفیرنے پاکستان میں آزادانہ اورمنصفانہ انتخابات کیلئے حمایت کی یقین دہانی کرواتے ہوئے کہاکہ امریکہ پاکستانیوں کےمنتخب کردہ نمائندوں کےساتھ ملکرکام کرتارہےگا۔
امریکی سفارتخانہ کے ترجمان کے مطابق امریکی سفیرڈونلڈ بلَوم نے چیف الیکشن کمشنر سکندر سلطان راجا سے ملاقات میں پاکستان کےآئین اورقانون کے مطابق آزادانہ اورمنصفانہ انتخابات کے انعقاد کیلئے امریکہ کی حمایت کی یقین دہانی کروائی۔
امریکی سفیر زور دیا کہ پاکستان کے مستقبل کے رہنماؤں کا انتخاب کرنا پاکستانی عوام کا کام ہے ، امریکہ دوطرفہ تعلقات کومزید گہرااوروسیع کرنے کے لیے پاکستانیوں کے منتخب کردہ نمائندوں کے ساتھ ملکرکام کرتا رہے گا۔