پاکستان
کراچی ایئرپورٹ سے ڈیکوریشن اشیا کی آڑ میں منشیات سمگل کرنے کی کوشش ناکام
کسٹم نے مشترکہ کارروائی کے دوران کراچی ائیرپورٹ پر جانوروں کی شکل کے ڈیکوریشن پیس میں چھپائی گئی منشیات کی بیرون ملک اسمگلنگ کی کوشش ناکام بنادی
ترجمان کسٹم کے مطابق جناح انٹرنیشنل ایئرپورٹ کراچی کی بین الاقوامی روانگی پرتعینات کسٹمز ، اے این ایف اور اے ایس ایف کے عملے نےمسافروں کے سامان کے مشترکہ سرچ کاونٹرپر دوران چیکنگ کراچی سے بذریعہ ائر عریبیہ کی فلائٹ نمبر G9_547سے شارجہ جانے والے کلیم اللہ نامی مسافر کے سامان کی تفصیلی جانچ پڑتال کے نتیجے میں 2700 گرام چرس اور 1000 گرام میتھیمفیٹامائن منشیات برآمد کی ہے،مسافر نے منشیات کو پلاسٹر آف پیرس سے بنے جانوروں کی شکل کے ڈیکوریشن پیس میں انتہائی مہارت سے چھپایا ہواتھا،منشیات کی بین الاقوامی مالیت (56 ملین)پانچ کروڑ ساٹھ لاکھ روپے ہے،ملزم کو کسٹم اینڈ نارکوٹکس ایکٹ کے تحت مقدمہ درج کرکے باضابطہ گرفتار کرلیا گیا ہےمزید تفتیش کی جارہی ہے